ಡಾ. ಮಹಾಂತಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು
ಅವರ 50ನೇ ಜನ್ಮದಿನೋತ್ಸವ ಪ್ರಯುಕ್ತ
ಎಂಬಿಬಿಎಸ್ ಅಧ್ಯಯನ ಮಾಡುತ್ತಿರುವ ಬಡ ಪ್ರತಿಭಾನ್ವಿತ ವಿದ್ಯಾರ್ಥಿನಿಯರು ಹಾಗೂ ಇತರ ಆರ್ಥಿಕವಾಗಿ ಹಿಂದುಳಿದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿ ವೇತನ ವಿತರಿಸುವ ಪುಣ್ಯಕಾರ್ಯವನ್ನು ಹಮ್ಮಿಕೊಳ್ಳಲಾಗಿದೆ.
ಕಾರ್ಯಕ್ರಮದ ವಿವರಗಳು
ದಿನಾಂಕ: 01-06-2026
ಸಮಯ: ಬೆಳಿಗ್ಗೆ 11:30 ಗಂಟೆಗೆ
ಸ್ಥಳ: ಶಿವಯೋಗ ಸದನ (ಶ್ರೀಮಠ ಆವರಣ)
ಪೂಜ್ಯರ ಸಮಾಜಮುಖಿ ಸಂಕಲ್ಪ
ಪೂಜ್ಯರ 50ನೇ ಜನ್ಮಜಯಂತಿಯನ್ನು ಅರ್ಥಪೂರ್ಣವಾಗಿ ಆಚರಿಸುವ ಉದ್ದೇಶದಿಂದ, ಮೂರು ವರ್ಷಗಳ ಹಿಂದೆಯೇ ಎಂಬಿಬಿಎಸ್ ಅಧ್ಯಯನ ಮಾಡುತ್ತಿರುವ ಮೂರು ಬಡ ಪ್ರತಿಭಾನ್ವಿತ ವಿದ್ಯಾರ್ಥಿನಿಯರಿಗೆ ತಲಾ ರೂ.25,000/- ವಿದ್ಯಾರ್ಥಿ ವೇತನವನ್ನು (ಅವರ ವಿದ್ಯಾಭ್ಯಾಸ ಪೂರ್ಣಗೊಳ್ಳುವವರೆಗೆ ಪ್ರತಿವರ್ಷ) ನೀಡುವ ಮಹತ್ವದ ಸಂಕಲ್ಪ ಕೈಗೊಳ್ಳಲಾಗಿತ್ತು. ಅದೇ ಸೇವಾ ಪರಂಪರೆ ಈ ವರ್ಷವೂ ಮುಂದುವರಿಯುತ್ತಿದ್ದು, ಇನ್ನೂ ಅನೇಕ ವಿದ್ಯಾರ್ಥಿ-ವಿದ್ಯಾರ್ಥಿನಿಯರಿಗೆ ವಿದ್ಯಾರ್ಥಿ ವೇತನ ವಿತರಿಸಲಾಗುವುದು.
ಸದ್ಭಕ್ತರಲ್ಲಿ ವಿನಂತಿ
ಪೂಜ್ಯರಿಗೆ ಜನ್ಮದಿನ ಶುಭಾಶಯ ತಿಳಿಸಲು ಆಗಮಿಸುವ ಭಕ್ತಾದಿಗಳು ಹೂಗುಚ್ಚ, ಹೂವಿನ ಹಾರ, ಶಾಲು ಮುಂತಾದ ಗೌರವೋಪಹಾರಗಳನ್ನು ತರಬಾರದೆಂದು ವಿನಂತಿಸಲಾಗಿದೆ.
ಅದರ ಬದಲಿಗೆ, ತಮ್ಮ ಶಕ್ತಿಗೆ ಅನುಗುಣವಾಗಿ ಧನ ಸಹಾಯ ನೀಡುವಂತೆ ಕೋರಲಾಗಿದೆ. ಭಕ್ತರಿಂದ ಸಂಗ್ರಹವಾಗುವ ಸಮಸ್ತ ಧನವನ್ನು:
ಬಡ ಪ್ರತಿಭಾನ್ವಿತ ವಿದ್ಯಾರ್ಥಿಗಳ ಶಿಕ್ಷಣ ಸಹಾಯಕ್ಕೆ
ಆರ್ಥಿಕವಾಗಿ ಹಿಂದುಳಿದ ಡಯಾಲಿಸಿಸ್ ರೋಗಿಗಳಿಗೆ ಉಚಿತ ಚಿಕಿತ್ಸೆ ವ್ಯವಸ್ಥೆಗೆ ಉಪಯೋಗಿಸಬೇಕೆಂದು ಪೂಜ್ಯರು ಸಂಕಲ್ಪಿಸಿದ್ದಾರೆ.
ಸರ್ವರಿಗೂ ಆಹ್ವಾನ
ಈ ಪುಣ್ಯ ಕಾರ್ಯಕ್ರಮದಲ್ಲಿ ಜಾತಿ, ಮತ, ಪಂಥ ಭೇದವಿಲ್ಲದೆ ಸರ್ವರೂ ಭಾಗವಹಿಸಿ ತನು-ಮನ-ಧನ ಸೇವೆ ಸಲ್ಲಿಸುವ ಮೂಲಕ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕಾಗಿ ವಿನಂತಿಸುತ್ತೇವೆ.
ಕಾರ್ಯಕ್ರಮದ ನಂತರ ಮಹಾ ಪ್ರಸಾದದ ವ್ಯವಸ್ಥೆ ಇರುತ್ತದೆ.
ಆನ್ಲೈನ್ ಧನ ಸಹಾಯ GPay ಮೂಲಕ ಸಹಾಯ ಮಾಡಲು
SVVS Matha – 9342077234 SVS Charitable Trust – 9449722365
80G ತೆರಿಗೆ ರಿಯಾಯಿತಿ ಸೌಲಭ್ಯ ಲಭ್ಯ.
ಸರ್ವರಿಗೂ ಆದರದ ಸುಸ್ವಾಗತ
ಸಿ. ಬಸವರಾಜು
ಕಾರ್ಯದರ್ಶಿಗಳು
ಶ್ರೀಮದ್ ವಿಭೂತಿಪುರ ವೀರಸಿಂಹಾಸನ ಸಂಸ್ಥಾನ ಮಠ
