13 Aug 2026
ಪರಮಪೂಜ್ಯ ಶ್ರೀ ಷ|| ಬ್ರ|| ಡಾ|| ಮಹಾಂತಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳವರ,
ಪಟ್ಟಾಧ್ಯಕ್ಷರು, ಶ್ರೀಮದ್ ವಿಭೂತಿಪುರ ವೀರಸಿಂಹಾಸನ ಸಂಸ್ಥಾನಮಠ, ಬೆಂಗಳೂರು–37,
ಅವರ *24ನೇ ವರ್ಷದ ಪಾವನ ಕಾರ್ಯಕ್ರಮದ ಅಂಗವಾಗಿ, ಲೋಕಕಲ್ಯಾಣಾರ್ಥವಾಗಿ ಪರಾಭವ ನಾಮ ಸಂವತ್ಸರದ ಪವಿತ್ರ ಶ್ರಾವಣ ಮಾಸದಲ್ಲಿ ಆಯೋಜಿಸಿರುವ ಮನೆ–ಮನಗಳಲ್ಲಿ ಶಿವಪೂಜೆ, ಶಿವಾನುಭವ ಹಾಗೂ ಶ್ರೀ ಸಿದ್ಧಾಂತ ಶಿಖಾಮಣಿ–ವಚನ ಪ್ರವಚನ ಕಾರ್ಯಕ್ರಮದ ಪ್ರಾರಂಭೋತ್ಸವವು ಭಕ್ತಿಭಾವ ಹಾಗೂ ಶ್ರದ್ಧಾಪೂರ್ವಕವಾಗಿ ನೆರವೇರಿತು.
2026ರ ಶ್ರಾವಣ ಮಾಸದ ಈ ಪಾವನ ಕಾರ್ಯಕ್ರಮದ *ಪ್ರಾರಂಭೋತ್ಸವವನ್ನು ರಾಜರಾಜೇಶ್ವರಿ ನಗರದ ಶ್ರೀ ಸಂಗಮೇಶ್ವರ ದೇವಾಲಯದ ಪವಿತ್ರ ಪರಿಸರದಲ್ಲಿ, **ವೀರಶೈವ ಕ್ಷೇಮಾಭಿವೃದ್ಧಿ ಸಂಘದ ವತಿಯಿಂದ* ಭಕ್ತಿಪೂರ್ವಕವಾಗಿ ಆಯೋಜಿಸಲಾಯಿತು.
ಶಿವಭಕ್ತರಲ್ಲಿ ಆಧ್ಯಾತ್ಮಿಕ ಜಾಗೃತಿ ಮೂಡಿಸುವುದು, ಪ್ರತಿಯೊಂದು ಮನೆ–ಮನದಲ್ಲೂ ಶಿವಪೂಜೆಯ ಸಂಸ್ಕಾರವನ್ನು ಬೆಳೆಸುವುದು ಹಾಗೂ *ಶ್ರೀ ಸಿದ್ಧಾಂತ ಶಿಖಾಮಣಿಯ ತತ್ತ್ವಜ್ಞಾನ ಮತ್ತು ವಚನಗಳ ಸಂದೇಶವನ್ನು* ಜನಸಾಮಾನ್ಯರಿಗೆ ತಲುಪಿಸುವ ಮಹೋನ್ನತ ಉದ್ದೇಶದಿಂದ ಈ ಪಾವನ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ.
ಈ ಸಂದರ್ಭದಲ್ಲಿ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ, ಶಿವಪೂಜೆ, ಶಿವಾನುಭವ ಹಾಗೂ ವಚನ ಪ್ರವಚನದ ಮೂಲಕ ಆಧ್ಯಾತ್ಮಿಕ ಚಿಂತನೆ ಮತ್ತು ಸದಾಚಾರದ ಜೀವನದತ್ತ ಮುನ್ನಡೆಯುವ ಸಂಕಲ್ಪ ಕೈಗೊಂಡರು.
“ಮನೆ–ಮನಗಳಲ್ಲಿ ಶಿವಪೂಜೆ – ಶಿವಾನುಭವ,
ಶ್ರೀ ಸಿದ್ಧಾಂತ ಶಿಖಾಮಣಿ – ವಚನಗಳ ಮೂಲಕ ಆತ್ಮಜಾಗೃತಿ”
ಎಂಬ ಪವಿತ್ರ ಆಶಯದೊಂದಿಗೆ ಈ ಕಾರ್ಯಕ್ರಮವು ಲೋಕಕಲ್ಯಾಣಕ್ಕೆ ಹಾಗೂ ಸಮಾಜದ ಆಧ್ಯಾತ್ಮಿಕ ಉನ್ನತಿಗೆ ಪೂರಕವಾಗಲಿ ಎಂದು ಪ್ರಾರ್ಥಿಸಲಾಯಿತು.
